शेयर बजार
अग्राधिकार सेयर निष्कासनको स्वीकृति पाउने तेस्रो बैंक बन्यो एनएमबि
- समाज पाना |
- पुस १०, २०८२
एनएमबि बैंकले ३ अर्ब रुपैयाँ बराबरको अविमोच्य असञ्चिति अग्राधिकार सेयर निष्काशन गर्ने अनुमति पाएको छ। नेपाल धितोपत्र बोर्ड (सेबोन) ले पुस ९ गते ३ अर्ब रुपैयाँ बराबरको ३ करोड कित्ता अग्राधिकार सेयर निष्काशन गर्न स्वीकृति प्रदान गरेको हो ।
बैंकले ८.२५ प्रतिशत लाभांश दर भएको अग्राधिकार सेयर निष्काशन गर्दैछ । उक्त सेयर परिपत्र विधिबाट बिक्री गरिने जनाइएको छ ।
बैंकको अग्राधिकार सेयर निष्कासन तथा बिक्री प्रबन्धक सिद्धार्थ क्यापिटल हो । यसअघि नबिल बैंक र कामना सेवा विकास बैंकले पनि अग्राधिकार सेयर निष्काशनको अनुमति पाइसकेका छन् । नबिल बैंकले ५ अर्ब रुपैयाँ बराबरको अग्राधिकार सेयर निष्काशन गरी बाँडफाड समेत गरिसकेको छ ।
ताजा समाचार
.jpg)
सम्बन्धित समाचारहरु
