काठमाडौँ । नेपाली कम्युनिस्ट पार्टीका संयोजक पुष्पकमल दाहाल प्रचण्डले काठमाडौँ महानगरका नगर प्रमुख बालेन्द्र शाह (बालेन) लाई पितृशोक परेकोमा दुःख व्यक्त गरेका छन् । सोमबार संयोजक दाहालले मेयर शाहका बुबा रामनारायण साहप्रति श्रद्धाञ्जली अर्पण गर्दै दुःख व्यक्त गरेका हुन् ।

उनले शाह परिवारलाई धैर्य र शक्ति मिलोस् भन्ने कामना गर्दै समवेदना समेत प्रकट गरेका छन् ।

संयोजक दाहालले सामाजिक सञ्जाल फेसबुकमार्फत भनेका छन्– ‘काठमाडौँ महानगरका नगर प्रमुख बालेन्द्र शाहलाई पितृशोक परेकोमा दुःख व्यक्त गर्दछु। मृतक बुवाप्रति हार्दिक श्रद्धाञ्जली अर्पण गर्दै यस दुःखद घडीमा शाह परिवारलाई धैर्य र शक्ति मिलोस् । हार्दिक समवेदना प्रकट गर्दछु।’ 

सोमबारै शाहको  राजधानीको सिभिल अस्पतालमा  निधन भएको थियो ।