काठमाडौं । सुनचाँदी बजारमा आज सुनको मुल्य एकैदिन ३१ सय रुपैयाँले बढेको छ । आज छापावाला सुनको मुल्य प्रतितोला २ लाख ६८ हजार १०० रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
सोमबार प्रतितोला २ लाख ६५ हजार रुपैयाँमा कारोबार भएको सुनको मुल्य आज ३ हजार १ सय रुपैयाँले बढेर २ लाख ६८ हजार १०० रुपैयाँमा कायम भएको महासंघले जनाएको छ ।
त्यस्तै, आज चाँदीको मूल्य प्रतितोला १ सय ९५ रुपैयाँले बढेको छ। आजको बजारमा चाँदी प्रतितोला ४ हजार ८ सय ८० रुपैयाँमा कायम भएको छ । सोमबार चाँदी प्रतितोला ४ हजार ६ सय ८५ रुपैयाँमा कारोबार भएको थियो ।