काठमाडौं । मानवअधिकारवादी संगठन ह्युमन राइट्स एक्टिभिस्ट्स न्युज एजेन्सी ९एचआरएएनए० ले इरानमा जारी प्रदर्शनका दौरान ३६ जनाको मृत्यु भएको छ । 

एचआरएएनएले इरानमा विगत १० दिनदेखि जारी विरोध प्रदर्शनका क्रममा कम्तीमा पनि ३६ जनाको मृत्यु भइसकेको जनाएको हो ।

इरानभन्दा बाहिर रहेको संगठन एचआरएएनएका अनुसार मृत्यु हुनेमा ३४ प्रदर्शनकारी र दुई जना सुरक्षाकर्मी रहेका छन् ।

इरानी अधिकारीले भने अहिलेसम्म मृत्युको कुनै आधिकारिक आंकडा जारी नगरेको जनाइएको छ । यद्यपि, सुरक्षा बलका तीन जवान मारिएको जनाइएकोा छ । 

 अहिलेसम्म २० जनाको मृत्यु र उनीहरूको सनाखत भएको पुष्टि गरिसकेको छ ।

एचआरएएनएका अनुसार हिंसाका दौरान ६० भन्दा बढी प्रदर्शनकारी घाइते भएका छन् । दुई हजार ७६ जनालाई गिरफतार गरिएको छ ।

आर्थिक संकट चुलिन थालेपछि सुरू भएको विरोध प्रदर्शन इरानका ३१ मध्ये २७ प्रान्तहरूमा फैलिसकेको छ ।